اقوام متحدہ نے 12 سال بعد اسلام آباد کو اپنا فیملی اسٹیشن قرار دے دیا

اقوام متحدہ نے 12 سال کے طویل عرصے کے بعد اسلام آباد کو اپنا فیملی اسٹیشن قرار دے دیا جس کے بعد اب غیر ملکی اپنے اہلخانہ کو اسلام آباد لاسکتے ہیں۔

وفاقی وزیرداخلہ بریگیڈیئر (ر) اعجاز شاہ سے اقوام متحدہ کے وفد نے ملاقات کی، ملاقات میں وفد نے فیملی اسٹیشن کے حوالے سے انہیں آگاہ کیا۔

وفاقی دارالحکومت سے فیملی اسٹیشن کا درجہ 2008 میں میریٹ پر ہونے والے حملے کے نتیجے میں واپس لیا گیا تھا۔

اس موقع پر اقوام متحدہ ترجمان نے کہا کہ اسلام آباد کی سیکیورٹی صورتحال سے مطمئن ہیں۔

وزیر داخلہ نے اسلام آباد پولیس اور قانون نافذکر نے والے اداروں کی کاوشوں کو سراہتے ہوئے کہا کہ غیر ملکی حکام کے این او سی کے حصول کو آسان بنانے کیلئے پالیسی زیر غور ہے، سیاحت کے فروغ اور سکیورٹی کو یقینی بنانے کیلئے کام جاری ہے۔

مزید پڑھیں:  قطر کا پاکستان میں 3 ارب ڈالرز کی سرمایہ کاری کا اعلان